ექსპედიცია

ექსპედიცია
25 აპრილი 2017 18:08
1033

ПРИЄДНАТИСЬ ДО КОМАНДИ   ·   ПОРАДИТИ МІСЦЕ
ПІДТРИМАТИ ФІНАНСОВО  ·  ПОДІЛИТИСЬ МУЗИКОЮ


იმის შემდეგ, რაც უკრაინის მედია სივრციდან გაქრა National Geographic, მის ადგილას არ გაჩნდა პროექტი მათთვის, ვისაც უყვარს ინტელექტუალური მედია და მოულოდნელი გეოგრაფიული აღმოჩენები.

ბოლო ათწლეულის მანძილზე უკრაინელები აქტიურად გადასახლდნენ დიდ ქალაქებში – ეტაპობრივად ტოვებდნენ თავიანთ მიწას, ისე, რომ არც იცოდნენ მათ შესახებ. პატარა დასახლებების ისტორიები არ ხდებოდა საეთერო, არამედ ოჯახის არქივებში ინახებოდა და დროდადრო ქრებოდა მეხსიერებიდან.

როგორც წესი, ჩვენი სახელმწიფო მსოფლიო მასობრივ ინფორმაციებში პოლიტიკურ ან ეკონომიკურ ჭრილში განიხილება, ან საომარი მოქმედებების გამო. ის უცხოელები, რომლებიც ჩამოდიან აქ, უკრაინას აღწერენ სულ სხვანაირად, საინფორმაციოებთან შედარებით. უცხო თვალი უკრაინას სულ სხვანაირად უყურებს, საინტერესოდ, მოულოდნელად და ფერადად. მაგრამ როგორ ხედავენ საკუთარ ქვეყანას უკრაინელები? უცხოეთიდან ჩამოსვლისას რატომ აქცევენ ყურადღებას დიდი ქალაქების სინესტეს, ნეგატივსა და ხალხის უზრდელობას. შესაძლებელია იმიტომ, რომ უკრაინა, მედია საშუალებების აზრით, უკრაინელებისთვის ცუდად გამოიყურება?

უკრაინის შიდა ტურიზმი სუსტად არის განვითარებული, ტრანსპორტული საშუალებებიც არ არის სრულყოფილი. უამრავი უკრაინელი არ გასცდენია საკუთარი ქალაქის საზღვარს. ჩვენ, ვინც ვმოგზაურობთ უკრაინაში, შეგვიძლია შევამჩნიოთ, თუ რაოდენ ცოტა ვიცით მეზობელი რეგიონებისა და საკუთარი ქვეყნის შესახებ.

ამ ყველაფრის შესაცვლელად, ჩვენ დავაარსეთ Ukraїner – ახალი მედია პროექტი, რომლის მიზანია ზედმიწევნით გამოიკვლიოს და ფორმულირება გაუკეთოს იმას, თუ ვინ ვართ ჩვენ.

ექსპედიცია ნახევარი წელი გაგრძელდება და მოიცავს უკრაინის 14 ისტორიულ მიწას – სლობოჟანშჩინიდან პოდილიამდე, ვოლინიდან ტავრიამდე. ჩვენ დავიწყებთ დასავლეთ უკრაინიდან და მთელი ზაფხულის განმავლობაში გაგაცნობთ ტრანსკარპატიას. თქვენ შეგიძლიათ შემოგვიერთდეთ – გაგვიხსნათ თქვენი უნიკალური დასახლება და გაგვაცნოთ არაჩვეულებრივი ხალხი.

Ukraїner მოგიყვებათ შემეცნებით ისტორიებს უკიდურეს კუთხეებზე, ხალხზე, ხელოვნებასა და საჭმელზე. ექსპედიციის შედეგებით ჩვენ ვგეგმავთ უკრაინის თანამედროვე გზამკვლევის შექმნას რამდენიმე ენაზე. რა არის ამისთვის საჭირო? უპირველეს ყოვლისა – თქვენი, მკითხველის ინტერესი და ნდობა.

 

ПРИЄДНАТИСЬ ДО КОМАНДИ   ·   ПОРАДИТИ МІСЦЕ
ПІДТРИМАТИ ФІНАНСОВО  ·  ПОДІЛИТИСЬ МУЗИКОЮ

25 აპრილი 2017 18:08